3 de outubro de 2015.- En relación ás informacións publicadas sobre a aplicación da Lei de Racionalización e Sostibilidade da Administración Local (Reforma Local) en materia de traspaso de competencias, que actualmente prestan as Entidades Locais, relativas á atención primaria da saúde, servizos sociais e educación, e que poderían ser asumidas polas Comunidades Autónomas, o Ministerio de Facenda e Administracións aclara que ditas competencias estarán supeditadas a un proceso de reordenación competencial que necesariamente queda vinculado a un novo sistema de financiamento autonómico e das Facendas Locais.
Polo tanto, mentres non sexan aprobadas as normas reguladoras do novo sistema de financiamento autonómico e local, as competencias referidas na citada Lei, en canto á atención primaria da saúde, servizos sociais e educación, deberán continuar sendo prestadas polos Concellos.
Esta é a previsión establecida na aplicación do réxime transitorio da Lei 27/2013, de 27 de decembro, de Racionalización e Sostibilidade da Administración Local, cuxos criterios se recollen na nota explicativa da Reforma Local publicada por este Ministerio o pasado 17 de setembro: http://www.seap.minhap.gob.es/dms/es/web/areas/politica_local/regimen_juridico/NT-explicat-REFORMA-LOCAL-17-09-15_rem-Inform-tica_329471-V2.pdf