Cervo, 4 de novembro de 2015. A partida destinada a investimentos reais no presuposto municipal do Concello de Cervo para o 2016 triplicará a deste ano e ascenderá a 929.380 euros.
A concelleira de Facenda, Dolores García Caramés, explicou hoxe que “en investimentos reais pasaremos dos 310.000 euros deste ano a 929.380 para 2016, o que supón un 200 por cento máis. O 35 por cento desa partida será para obras de saneamento, o 30 por cento destinarase á reparación de estradas e camiños municipais, un 15 por cento dedicarase ao mobiliario para a residencia de maiores e un 18 por cento será para mercar nova maquinaria municipal”.