O cineclube do colectivo PENSAMENTO E SEMENTEIRA continúa coa súa programación. Este mércores 18 de novembro proxectarase en Viveiro a segunda das películas do Ciclo de Cine de Humor.
Trátase de “Mon oncle” ( “O meu tío” ) de J. Tati , da que o crítico M. A Palomo ten escrito: “A obra de Tati permanece como un monumento luminoso á que poucos souberon achegarse. (…) nesta obra inolvidábel arremete contra a sociedade de consumo e contra o mecanicismo que afoga ao individuo. Así fai presente o absurdo da realidade cotidiana nun prodixio de fantasía que encerra ás súas persoaxes en secuencias deslumbrantes”.
A proxección será no salón de actos do IES María Sarmiento e dará comezo ás 20.00 horas.
A entrada é libre até completar o aforo da sala.