Antonio García recibe os 2.000 euros en vales de compra do sorteo da campaña de Nadal de A Mariña Federación en ACISA Ribadeo

Ribadeo, 10 de decembro de 2015. Nas instalacións de Acisa, en Ribadeo, tivo lugar este xoves a entrega dos 2.000 euros en vales de compra da campaña de Nadal da Mariña Federación, que lle corresponderon a Antonio García López, do bar A Tapería.

Antonio García é o portador da papeleta co número 102.331, que resultou premiada no sorteo ante notario celebrado o pasado 1 de decembro. O afortunado, que non quixo ser fotografado recollendo o premio, recibiu o boleto no pub Ribanzo de Ribadeo.

Foi o presidente da Mariña Federación, Ramón Leivas, o que fixo entrega dos 2.000 euros en vales de compra ao presidente de Acisa, Francisco Iriarte. Antonio García dispoñerá ata o 5 de xaneiro para gastar o seu premio nos locais asociados a Acisa.