Jaime de Olano reafirma o compromiso do Goberno do PP coa igualdade e valora as medidas destinadas a rematar coa violencia de xénero

Lugo, 4 de decembro de 2015.- O candidato ao Congreso dos Deputados pola provincia de Lugo, Jaime de Olano, mantivo este xoves unha reunión coas Mulleres en Igualdade de Cervo, a Asociación de mulleres de Cervo e a Asociación as espalladoras de Cervo na que reafirmou o compromiso do Goberno do PP co crecemento e a consolidación da recuperación económica.

O popular prosegue encontros programados con asociacións, empresarios e autónomos de cara a coñecer as súas demandas e inquedanzas, un calendario que manterá durante a campaña electoral.

Jaime de Olano aproveitou a reunión para poñer en valor as medidas de apoios adoptadas polo Goberno central en materia de igualdade, así como os esforzos que se están a levar a cabo para erradicar a violencia de xénero.

O candidato ao Congreso dos Deputados fixo esta mañá un percorrido polo mercado de Burela acompañado polas candidatas ao Senado e ao Congreso María del Mar Fraga Fernández e Mercedes González Alonso, respectivamente. Tamén participaron afiliados da localidade.