O edil nacionalista dixo que “dende a Área de Limpeza Viaria estase a proceder ao lavado e limpeza dos contedores de vidro. Comezouse nalgunhas rúas da vila e estes traballos prolongaranse ao longo duns días no resto do concello. Así damos continuidade no traballo de limpeza de contedores que comezamos a realizar hai algún tempo. Primeiro foron algúns dos de residuos orgánicos, que estaban máis necesitados, logo os amarelos ou envases lixeiros e, agora os de vidro. Para o ano vindeiro farase un plan de lavado de contedores tanto na vila como nas parroquias”.