Ribadeo, 21 de decembro de 2015.- Os días 24 e 31 de decembro non haberá recollida de cartón e papel porta a porta en Ribadeo, segundo ven de anunciar o concelleiro de Limpeza Viaria, Jorge Díaz Freije.
O edil nacionalista lembra “aos veciños e veciñas, aos locais comerciais e de hostalería que non deben deixar eses días papeis e cartóns diante dos seus establecementos posto que o servizo non estará operativo. Aínda que os xoves e os martes son os días fixados para a recollida destes materiais, por motivo das festas de Nadal se suprimen nas dúas xornadas citadas: o día de Noiteboa e o día de fin de ano”.
O servizo prestarase con normalidade este martes, 22 de decembro, e o da semana que vén, que é o día 29.