O Ribadeo FC escala posicións na táboa. Se a pasada xornaba abandonaba a última posición da clasificación tralo seu empate ante o Arosa, nesta xornada logra sumar 3 novos puntos que o elevan ata a décimo oitava posición a 3 da zona de salvación.
A falta de catro minutos para os 90, Rafa Casanova marcaba o único gol do encontro no Baltasar Pujalte para o Ribadeo FC ante o terceiro da táboa, o Rápido de Bouzas.
A vindeira xornada os mariñáns reciben no Pepe Barrera ao Alondras CF, que suma un único punto dos últimos 15 posibles, o domingo 20 de decembro a partir das 17.00 horas.