Burela, 18 de xaneiro de 2016. Concello e Confraría de Pescadores de Burela preparan unha homenaxe ao Almirante Santiago Bolívar Piñeiro, segundo deu a coñecer este luns o alcalde, Alfredo Llano.
O rexedor contou que “esta mañá mantivemos un encontro o presidente da Confraría de Pescadores máis eu para ultimar os detalles do xantar de confraternidade que teremos o vindeiro 6 de febreiro”. Llano explicou que “queremos renderlle homenaxe ao Almirante Santiago Bolívar Piñeiro, polo seu apoio ao mundo mariñeiro de Burela e do resto do litoral de Lugo”.
O alcalde burelés dixo que “as tarxetas para acudir a ese evento estarán dispoñibles dentro duns días tanto no Concello como na Confraría de Pescadores”.