O acto de inauguración da XIII Festa do Berberecho de Foz contou co Presidente da Deputación de Lugo, Darío Campos; o Alcalde de Foz, Javier Jorge Castiñeira; e o Secretario da Mesa do Parlamento de Galicia, José Manuel Balseiro durante a lectura do pregón –que correu a cargo do veciño de Foz Ramón Fernández (Moncho da Chila)-. A Festa conta cunha achega do ente provincial de 3.000 euros. Este domingo, a Festa do Berberecho continuará polos locais de hostalería de Foz de 12.30 a 15.00 horas. A xornada estará acompañada polas rúas con actuacións de música tradicional a cargo de diferentes grupos folklóricos.
