A Agrupación Teatral Mariñán, de Betanzos, achega a Ribadeo a obra “O de menos é o nome”. “A peza vai de dous cuñados, de Gustavo Adolfo Bécquer, do Bolero de Ravel, dun corte de pelo, das chaves do trasteiro, duns coreanos, dunha piscina en Cuenca, dun embarazo desexado con estrés prenatal, de complexas relacións de familia arredor un bufé marroquí. En definitiva, do que ocorre cando nos poñemos a falar e sacamos todo o que levamos agochado dentro”. Terá lugar no Cine-teatro este sábado 23 ás 20.30 horas e o prezo da entrada será de 3 euros.
