Achégase a nova edición do RESURRECTION FEST, e trala boa acolleita que estes tres últimos anos tivo o RESUCAMP, colgando o cartel de “sold-out” en todas as ocasións, repetirase de novo coa colaboración de EMP, un dos patrocinadores.
O Resucamp estará situado no mesmo emprazamento que o ano pasado, a escasos metros da entrada ao recinto e moi próximo da praia de Celeiro, e ademais este ano ampliámolo con novas zonas.
Control de acceso 24 horas.
Recepción e punto de información 24 horas.
Seguridade privada.
Servizos.
Duchas de auga quente.
Servizo de cafetaría con terraza.
Área Wifi.
Dispoñibilidade de enchufes para recárgaa de dispositivos electrónicos.
Aparcamento
O bono do RESUCAMP permitirá, nesta edición, o acceso durante 5 días (desde as 12.00 horas do mércores 6 de xullo ata o domingo 10 de xullo) e estará dividido en parcelas de 2 persoas, cun prezo de 35 euros por persoa.
Como todos os anos seguirá existindo a opción do camping gratuíto.
Na web www.resucamp.resurrectionfest.es pódese atopar o enlace para realizar as reservas, a normativa e un apartado coas preguntas máis frecuentes. A venda comeza o vindeiro luns 1 de febreiro ás 12.00 horas.