Os primeiros metais chegaban nas San Silvestres de Salas e de Pola de Allande (Asturias) onde lograba tamén o primeiro posto da categoría. Xa na carreira de Reis que organiza o Concello de Barreiros convertíase no vencedor absoluto e tamén na categoría sénior.
O resto do equipo desprazábase o 31 de decembro ata Ribadeo para participar na súa San Silvestre onde lograban postos moi bos na xeral e un metal a cargo de LOLI PIÑEIRO como segunda SENIOR en entrar na liña de meta.
Carreira de Reis en Barreiros
O domingo 3 de xaneiro, parte do clube de atletismo participaba na carreira de Reis de Barreiros logrando, ademais dos metais de Óscar Buján, unha prata para Marisa Ares como segunda da xeral e segunda da categoría sénior.
Destacan tamén as posicións de Álex e Marcos que entraban entre os dez primeiros. De feito, Álex Villalba roza o podio por partida dobre sendo o cuarto da xeral e o cuarto sénior.