Salto do Coro inicia a campaña ‘Coñece Mondoñedo camiñando’ cunha ruta polas piscinas fluviais

A Asociación Salto do Coro e a Delegación de Deportes do Concello de Mondoñedo empezan coa organización das rutas dentro da campaña “Coñece Mondoñedo camiñando”.

Serán un total de 8 rutas as que realizarán para coñecer distintos sitios de Mondoñedo, entre ellas as xa coñecidas da localidade coma A Ruta da Auga.

Nesta ocasión, está prevista a saída este sábado 9 de xaneiro da Praza da Catedral ás 10.00 horas para facer un percorrido dun total de 10 km pasando polas piscinas Fluviais de Mondoñedo.

A actividade está aberta para todo aquel que queira participar. Os interesados e interesadas poden informarse a través do teléfono 605 790 091.