Nesta edición participaron once parellas. O campionato, que foi a unha volta, comezou no mes de outubro e rematou a metade de febreiro. As tres parellas con mellor puntuación levaron un trofeo e repartíronse do seguinte xeito: o terceiro premio para Marciano García e José Antonio Fernández (Tito); os segundos clasificados foron Abelardo Lestegás e Ramón Fanego; os campións desta quinta edición foron Manolo Otero e Suso Teijeira.
Dende a asociación Burgo de Trasbar, agradecemos a participación de todas as parellas que participaron nesta edición e convidamos á xente a participar nos vindeiros campionatos, así como no resto das actividades que organizamos.
Neste senso, estamos xa inmersos na organización do II Maratón de tute, que terá lugar o 19 de marzo, no que xa temos varias parellas apuntadas e agardamos que teña tanto éxito como a primeira edición.
Así mesmo, a primeiros de abril comezaremos o V campionato de parchís. Se algunha parella está interesada, aínda se pode apuntar.