Os actos empezarán na Casa do Mar, de San Cibrao, ás 17.30 horas cun Café Bombón. Ás seis da tarde haberá unha charla sobre Dinámicas para mellorar a calidade de vida, que será impartida por Reyes Quelle. A continuación, ás 19.00 horas, terá lugar unha demostración de taichí a cargo da asociación Alborada. Posteriormente as actividades trasladaranse ao auditorio da Casa da Cultura, de San Cibrao, onde ás oito da tarde actuará o grupo A Rebolaxe. Ás 22.00 horas empezará no restaurante Buenavista unha cea, na que se entregarán os premios dos campionatos de tute e de parchís, que se están celebrando estes días, e haberá algunhas sorpresas. E as actividades da xornada rematarán cun baile a partir das doce da noite na Casa do Mar.
Para participar no Café Bombón e na cea é necesario anotarse na Casa do Mar, nas asociacións colaboradoras ou no teléfono 982.87.95.83. O prazo remata o día 2 de marzo.