Fíxoo na concentración en repulsa da violencia de xénero que tivo lugar en Becerreá, concello natural da vítima, onde estivo acompañado de Deputados do Goberno Provincial, así como doutras autoridades.
O mandatario provincial explicou que o loito comezou ás 9:00 horas do venres 12 de febreiro e que se prolongará ata o vindeiro Luns á mesma hora.
Durante estas 3 xornadas, quedarán suspendidos todos os actos públicos oficias da institución provincial, incluída a Xunta de Goberno, que se celebrará o vindeiro luns, 15 de febreiro, logo do remate do loito oficial.
Ademais, a Bandeira Provincial exterior de todos os edificios dependentes da Deputación ondearán a media asta durante estes días.
Declaración Institucional
O Presidente condenou este acto de violencia e trasladou aos familiares e amigos da vítima o apoio do Goberno Provincial. Darío Campos avanzou que o organismo provincial aprobará, o vindeiro luns en Xunta de Goberno, unha declaración institucional en repulsa desta acción machista.
O organismo provincial trasladaralle á familia un testemuño institucional da condolencia por este terrible feito. A Deputación fixo unha declaración institucional de repulsa e condena deste asasinato de violencia machista desta veciña de Becerreá, así como do resto das mulleres asasinadas nestes actos terroristas.