A Festa da Cociña Afrodisíaca chega o 13 e 14 de febreiro á súa sexta edición en Foz

Foz, 10 de febreiro de 2016. Foz acollerá os días 13 e 14 de febreiro a 6ª Festa da Cociña Afrodisíaca, que organiza o Centro Comercial Aberto. Os 26 locais participantes ofrecerán tapas elaboradas con produtos como chocolate, fresas, améndoas, anís, canela, ostras… Son: A Funcional, A Soalta, A Viela, As Brasas, Bar 78, Acuario, Anduriña, Express, Happy Days, Mayross, Casa Damián, Casa Maño, Portovello, Regata, Costumes do Mar, Fraggle Rock, Buda, Marexada, O Paseo, O Lar de Bustos, O Norte, pizzería Xoíña, Fina, Tangarte Mariñeiro, Tangarte Mesón e Xoyma.

Desde a directiva de ACIA/CCA de Foz explican que “os que se acheguen a Foz á 6ª Festa da Cociña Afrodisíaca poderán degustar as tapas que atoparán na hostalería participante. Haberá propostas moi orixinais tanto salgadas como doces. De feito as confeiterías Xoyma, Anduriña e Amarena ofrecerán tamén o seu doce especial afrodisíaco para estas datas, que venderán ao prezo dun euro”.

A presentación da 6ª Festa da Cociña Afrodisíaca tivo lugar hai uns días en Foz.

No Centro Comercial Aberto focense lembran que “nos establecementos asociados atoparán todo o que precisan para agasallar as súas parellas o día de San Valentín e todos os días do ano. Ademais si empregan a tarxeta do comercio de Foz, xa saben que poden acumular descontos para vindeiras compras”.