Christian Rivas García, do Burela FS, convocado coa selección española Sub19

Burela, 16 de febreiro de 2016.- Christian Rivas García, xogador do equipo xuvenil de División de Honor do CD Burela FS Pescados Rubén foi convocado coa selección española Sub19 para disputar dous amigables en Águilas (Murcia) ante Portugal. O primeiro encontro xogarase o martes 23 de febreiro ás 20:30 horas e o segundo envite o mércores 24 á mesma hora.

Con esta convocatoria Christian Rivas será o primeiro xogador, integrado nas categorías de base do CD Burela FS Pescados Rubén, en vestir a camiseta de España. O club felicita a Christian pola súa chamada coa selección nacional, convocatoria que o mozo xogador de 16 anos recibiu “con enorme ledicia e, sobre todo, moi sorprendido pola convocatoria. Estou entusiasmado con esta oportunidade”.