Día de festa moi especial para os usuarios e equipo técnico de “A Mariña” este xoves. “Coa chegada do Entroido, un ano máis queremos participar das tradicións e festas populares e por iso celebramos unha gran festa de disfraces na nosa Unidade Residencial de Cervo”. “O disfrace elixido foi o de pallaso pois consideramos que é importante saber poñer un toque de humor no día a día e valorar o efecto positivo dun sorriso. A xornada comezou con baile de disfraces, continuou con xogos populares e rematou cunha comida conxunta”. O compañeirismo, a diversión e as risas formaron parte da celebración.
