Lugo, 10 de febreiro de 2016.- O alcalde de Quiroga, o popular Julio Álvarez, vén de sumarse ao proxecto de futuro que lideran Elena Candia e Ramón Carballo para presidir o PP de Lugo a partir do vindeiro día 6 de marzo. A ex presidenta da Deputación agradece a confianza do presidente do PP local de Quiroga e afirma que se incorporará á súa executiva nun posto destacado.
Tal e como traslada o propio Julio Álvarez, o proxecto que encabeza Elena Candia “será o mellor para a provincia e o máis representativo dos intereses de toda a familia do PP”.
O equipo liderado pola alcaldesa de Mondoñedo segue recibindo numerosos apoios de dirixentes do PP e afiliados de toda a provincia, polo que destaca que “vemos que hai vontade de crear un proxecto conxunto co que garantir o futuro e a solvencia do noso partido”, conclúe.