Foz conmemorou a Rosalía na radio e con alumn@s dos colexios

Foz, 24 de febreiro de 2016.- A Delegación de Cultura do Concello de Foz conmemorou o aniversario do nacemento de Rosalía de Castro cun programa especial que se emitiu na tarde deste mércores en Radio Foz en homenaxe á escritora galega.

No programa participaron rapaces e rapazas do CEIP Número 1, do colexio plurilingüe Nosa Señora do Pilar e do Martínez Otero. O alumnado destes centros puxo voz a obras de Rosalía de Castro, como Follas Novas ou Cantares Gallegos.

A esta actividade asistiu a concelleira de Cultura e Educación focense, Silvia Blach Cuesta.