Novas Xeracións mantivo un encontro coas dúas candidatas á presidencia do PP de Lugo

Lugo, 20 de de febreiro de 2016.- Novas Xeracións da provincia de Lugo tivo a oportunidade esta tarde de escoitar as propostas das dúas candidatas a presidir o PP provincial de Lugo, Raquel Arias e Elena Candia.

No encontro, as candidatas compartiron os seus programas entre as bases máis novas do partido, que aproveitaron a ocasión para formular algunhas dúbidas.

Novas Xeracións quere agradecer a boa disposición de ámbalas candidatas a participar neste coloquio, ao que asistiron mozos de toda a provincia, encadrandoo nun claro exemplo de boa sintonía e debate interno, do cal sairá reforzado o partido, e servirá para volver a conectar coa cidadanía.