Foz, 23 de febreiro de 2016. A Delegación de Cultura do Concello de Foz conmemorará o aniversario do nacemento de Rosalía de Castro cun programa especial que se emitirá en Radio Foz (107.4 FM) este mércores, día 24, entre as 17.00 e as 19.00 horas en homenaxe á escritora galega.
No programa participarán rapaces e rapazas do CEIP Número 1, do colexio plurilingüe Nosa Señora do Pilar e do Martínez Otero. O alumnado destes centros poralle voz a obras de Rosalía de Castro, como Follas Novas ou Cantares Galegos.