Terras de Lourenzá fixeron a “Ruta dos Cortíos” en Santa Eulalia de Oscos

22 de febreiro de 2016.- Este sábado, 20 de febreiro, unha vintena de membros da Asociación de Sendeirismo “Terras de Lourenzá” desprazáronse ata a Comarca dos Oscos, concretamente ata o Concello de Santa Eulalia, onde percorreron os 11 quilómetros da “Ruta dos Cortíos”.

Durante a camiñata tiveron oportunidade de desfrutar das paisaxes desta comarca asturiana, así como das peculiaridades arquitectónicas dos típicos pobos tradicionais da zona. Como remate da xornada, un pequeno paseo pola capitalidade, Santa Eulalia, e xantar en Casa Pedro degustando productos das Xornadas da Matanza Asturiana.