A Concellería de Medio Ambiente de Burela celebrou o día da árbore realizando varias plantacións este venres

Burela, 18 de marzo de 2016.- O Concello burelés celebrou o día da árbore cos dous Ceips Virxe do Carme e Vista Alegre e coas asociacións Eu Son e Enfermos Mentais da Mariña. Todos participaron nun xogo de pistas denominado Qué árbore é? consistente en adiviñar o nome dunha especie arbórea. “A clase gañadora e o usuario de cada asociación que acertou, recibiron un diploma e plantaron diferentes árbores no municipio”, explicaron desde a Aula Medio Ambiental Gaia.

A concelleira de Medio Ambiente, Noelia Mª Ben, acudiu a celebrar o día da árbore cos gañadores, que realizaron diversas plantacións. A edil socialista dixo que “con este pequeno xesto lembramos a necesidade de frear a perda de bosques no planeta”.