Ribadeo, 16 de marzo de 2016. O presidente de Acisa Ribadeo, David Martínez, asegura que estes están a ser días de intenso traballo para a nova directiva do colectivo, que realizará campañas e accións encamiñadas a conseguir que cada vez máis xente achéguese a Ribadeo a gozar da localidade, do seu comercio e da súa hostalería.
Martínez sinala que “desde a nova directiva estamos a empezar esta andaina, levamos poucos días e somos moita xente nova. A sorte é que somos moitos e que todos os sectores están representados: hostalería, comercio e servizos. Entre todos tentaremos facer campañas novas, e seguindo tamén a liña iniciada nos últimos anos por Francisco Iriarte”. O presidente de Acisa destaca que “Ribadeo é un importante eixo comarcal, queremos seguir nesa tónica e mellorar todas as accións e actividades para que cada vez veña máis xente a Ribadeo e para que cada vez coñézanos máis xente. Iso será bos para todos, para o comercio, para a hostalería”.
Día do pai
Acisa ten en marcha desde o pasado 2 de marzo o VI Concurso Fotográfico Día do Pai no que repartirá 550 euros en vales de compra. Na convocatoria particípase en dúas modalidades: redes sociais e vía postal. Son 21 as imaxes que se poden votar a través da aplicación habilitada no facebook da asociación. A foto que reúna máis me gustas na modalidade de redes sociais recibirá o premio do público, que está dotado con 100 euros en vales de compra.
E entre as imaxes máis votadas nas redes sociais e as enviadas por correo postal ser elixirán os gañadores por parte dun xurado profesional, que estará composto por dous representantes de Acisa (presidente e vicepresidente) e tres fotógrafos profesionais: Foto Miguel, Servicios Audiovisuales El Farero e Makfoto. O primeiro premio do xurado recibirá 200 euros en vales de compra, o segundo levará 150 euros en vales de compra e o terceiro premio será agasallado con 100 euros en vale de compra.
David Martínez indica que “hai moita afección á fotografía, hai moita xente participando e votando a través das redes sociais. E a finais de semana coñeceremos a imaxe elixida polo público e as fotografías seleccionadas polos nosos expertos”.
As fotos gañadoras expoñeranse no escaparate de Foto Miguel. A directiva de Acisa agradece a participación e colaboración do xurado no VI Concurso Fotográfico Día do Pai.