Lugo, 3 de marzo de 2016.- A candidatura que encabezan Elena Candia e Ramón Carballo recibe o aval de máis do 70% dos compromisarios electos da Comarca da Terra Chá.
En concreto a ex presidenta da Deputación suma 36 dos 51 apoios dos compromisarios electos. Entre eles, os 18 compromisarios de Vilalba, 6 máis de Guitiriz e outros tantos de Cospeito; suma tamén os dous compromisarios de Xermade, outros dous de Muras e un compromisario máis por Meira e A Pastoriza, respectivamente.
Candia quixo agradecer a confianza recibida polos militantes da Terra Chá e así o transmitiu nun encontro que mantivo cos compromisarios desta Comarca na tarde deste xoves en Vilalba.
A aspirante á presidencia do Partido Popular de Lugo esbozou, unha vez máis, as liñas mestras do seu programa e insistiu na necesidade de multiplicar os espazos de participación e transparencia da militancia e en facer unha política de maior proximidade cos colectivos sociais e cos cidadáns e, nesa liña, deu conta dos instrumentos que pretende poñer en marcha para conseguilo.