O Concello de Mondoñedo está a traballar na mellora das instalacións deportivas

O Concello de Mondoñedo está a traballar na mellora das instalacións deportivas. O polideportivo municipal Viñas da Veiga dispón de melloras levadas a cabo coa renovación das porterías e colocación de redes nos fondos, do mesmo xeito que o cambio de todos aqueles cristais rotos que tiña a instalación.

O concelleiro de deportes, Manuel Tapia Rivera, explica que “se está a mellorar na medida do posible as instalacións deportivas”. Agora, o Concello está a traballar na preparación de zonas de adestramento para novas modalidades, do mesmo xeito que ten adquirido material para mellorar os adestramentos en modalidades como o bádminton.