Foz, 14 de marzo de 2016.- O grupo municipal socialista de Foz votou si o PXOM de Foz, votou si ao inicio dunha nova forma de ver o urbanismo, votou SÍ a un Foz ordenado, votou SÍ porque consideramos que é o mellor para o noso concello, Foz.
O grupo municipal socialista aposta polos veciños de Foz, aínda que votando si, como nos din algúns, “non sacaremos nada politicamente” . Porque nosoutros pensamos nos veciños, por iso presentamos unha moción para a rebaixa do pago do “catastro” adaptado á realidade actual, e que este equipo de goberno logrou, cunha alegación, non fose posible. Por iso votamos si a un PXOM presentado polo Partido Popular, que non do Partido Popular, porque o importante é traballar por e para os veciños.
Esta é unha historia longa, demasiado longa… Foz precursor de distintos plans de ordenación urbana, dende o ano 1975, chegou o ano 2016 sen ter aprobado unha ordenación do seu urbanismo. Quizás por iso teremos unha gasolineira no centro da vila?
Este plan do PSOE, aprobado inicialmente no ano 2007, por un Goberno Socialista presidido polo Alcalde Socialista o Sr. Alcalde José María García Rivera, fixo que naquel momento houbese un movemento veciñal que non quería “tirar” o PXOM, senón modificalo e axeitalo á realidade do noso pobo. Por iso dende as distintas asociacións veciñais, cos seus representantes o fronte, se formaron 15 “grupos de traballo”: 1 de propostas xerais, 8 de cada unha das parroquias e 6 do casco urbano: Vilaxoane, Casco, Casco histórico, Isla Nova, Asilo-trasastorres e Marzán, cuxo función foi elaborar propostas de planeamento. Foi un traballo duro, e xuntos intentamos, partindo dunha realidade urbana xa existente, na medida do posible, defender os intereses de todos os nosos veciños.
En Foz se aprobou o xoves 10 de marzo un PXOM, pese ó noso equipo de goberno que nin o coñece nin lle interesa coñecelo solo aprobalo, pese a un alcalde que retoma un plan sen contar co resto de grupos políticos , pese a premura final a que nos abocou de novo o Partido Popular por non vernos afectados pola nova LOUG. Se aprobou grazas a un PSOE que pensa, cre, e traballa por Foz sen buscar “votos” nin “postos”. Porque sabemos que estamos aquí para loitar polo ben xeral.
Polas propostas planeadas polos grupos de traballo, polas alegacións das Asociacións, polas modificacións plantexadas polo Grupo Municipal Socialista que traballou a reo, en todas e cada unha das alegacións e das distintas modificacións tanto técnicas como urbanísticas, o PXOM é un si.
Sen embargo aquí non acabou o traballo, queda loitar para que a Xunta de Galicia que é a que o aprobará definitivamente, admita as modificacións plantexadas, algunhas delas de xustiza como é o caso da Rua do Vicedo afectada polo POL. Ese é un traballo de técnicos e políticos, e o PSOE estará pendente de que así sexa.