Comezou a contenda certamente equilibrada, aínda que co paso dos minutos Burela FS fíxose dono da ofensiva. Petry fixo suspirar á Marea Laranxa asistido por Isi desde a banda; cumpríase o minuto 9 de xogo, con ampliación a 0-2 de Chano, de penalti, tras a falta sinalada a Fabián. Dominio do partido para Burela FS, con pouco traballo sobre os paus de Edu; aínda que o naronés nada puido facer ante Adolfo no minuto 13, que recibiu un pase de Dani Salgado e superou á defensa laranxa. Recuperou a iniciativa o equipo de Daniel Ibañes para seguir provocando erros nas filas do Catgas. Iago Míguez coouse entre a defensa catalá polo centro para colocar un espectacular gol. Mitigou lixeiramente o Santa Coloma a alegría laranxa co killer Dani Salgado, pero Antoñito, sempre inspirado nas citas copeiras, volveu ampliar a brecha aos poucos segundos, escapando entre dous defensas de Santa Coloma cun gran control fronte a Prieto. Con 2-4, volveu facer acto de presenza a correcta finalización de Petry, a pase de Iago Míguez en galopada.
Movistar ou Palma Futsal serán o rival dos burelistas o sábado (18.00 horas, Teledeporte). Esperámosvos. “Por que non?”
Catgas E. Santa Coloma: Prieto, Rubén Adolfo, Dani Salgado, Rafa López, cinco inicial; tamén xogaron Fabián, Sepe, Pablo do Moral, Curvo
CD Burela FS Pescados Rubén: Edu, Isi, Chano, Carlitos, Chino, cinco inicial; tamén xogaron Iago Rodríguez, Antoñito, Petry, Iago Míguez
Goles: 0-1, minuto 9, Petry; 0-2, minuto 9, Chano; 1-2, minuto 13, Adolfo; 1-3, minuto 16, Iago Míguez; 2-3, Dani Salgado; 2-4, minuto 16, Antoñito; 2-5, minuto 17, Petry; 2-6, minuto 32, Chino; 3-6, minuto 35, Dani Salgado; 4-6, minuto 38, Adolfo
Árbitros: Gutiérrez Lumbreras // Lope Díaz (Madrid). Por Catgas amarela a Fabián (minuto 9), Adolfo (minuto 34)
Incidencias: Partido inaugural da XXVII Copa de España Guadalaxara 2016 correspondente a cuartos de final disputado no Palacio Multiúsos de Guadalaxara.