O coñecido cantante, humorista e actor, Pablo Carbonell, achegarase este sábado 19 de marzo ao Auditorio Municipal de Ribadeo para ofrecer, a partir das 20.30 horas, “O mundo da tarántula”, un espectáculo baseado no seu último libro autobiográfico, en que monólogo e musical serán parte esencial na exposición de feitos, presentados desde o humor, de boa parte da súa vida. O Concello de Ribadeo colabora nesta actuación. A venda de entradas en www.codetickets.com e en Alandrina Tours por 15 euros.