O alcalde barreirense, Alfonso Fuente, entregou este mércores os premios aos gañadores do sétimo concurso de poesía “A miña nai, muller traballadora”, que convocaron a Concellería de Muller, Familia e Servizos Sociais, así coma o Departamento de Servizos Sociais para celebrar o día internacional muller. No certame participaron os alumnos e alumnas de 4º, 5º e 6º de Primaria dos CEIP de San Cosme de Barreiros e de San Miguel de Reinante. Fuente Parga visitou os dous centros escolares para facerlles entrega dun agasallo aos gañadores e ao alumnado dos centros escolares pola súa participación nesta cita.
