Co campo do Centro Social de Morás encharcado, as tiradas non se resentiron e, incluso, o gañador na categoría sénior pasou dos 300 tantos. Foi, por outra banda, unha xornada decisiva ao coronar definitivamente aos campións das tres ligas.
Liga Sénior Masculina
Sócrates non puido coronar a remontada e fallou estrepitosamente, tanto, que non foi sequera capaz de puntuar. O líder, Rafa, aproveitaba e cos 6 puntos obtidos proclamábase matematicamente campión nesta categoría sénior absoluta tras outros 5 títulos nos anos 2001-2002, 2002-2003, 2007-2008, 2010-2011 e 2015-2016. Ademais, foi 8 veces subcampión e 7 veces terceiro, ou sexa, das 27 edicións celebradas, estivo 20 veces entre os tres primeiros.
O segundo e o terceiro posto finais conta, ata o de agora, con Sócrates con 113 puntos e Arturo Vigo con 110. Así, a tirada final de Sumoas dirá en que orde queda cada un.
Liga Sénior Feminina
Non puido ser, Belén Meitín non puido remontar e pese a sacarlle 2 puntos nesta tirada a Salomé Cardoso, non foron suficientes para evitar esta conquistara o seu primeiro entorchado nesta categoría superando o terceiro posto acadado na liga pasada.
Salomé Cardoso, pese á súa xuventude, mantén unha traxectoria ascendente neste deporte, dado que foi dobre campioa na categoría Sub 16 nas tempadas 2010-2011 e 2011-2012.
O segundo e o terceiro postos finais están xa decididos: Belén Meitín con 65 e Salomé Bermúdez con 55 puntos, respectivamente, teñen o seu posto totalmente consolidado. Belén, que foi campioa nas dúas temporadas anteriores, obtén o seu terceiro subcampionato nesta categoría. Salomé Bermúdez -nai de Rafa, o campión absoluto- fixo un campionato excelente, xa que sendo como é a xogadora de máis idade, xogou a un gran nivel, mellorando moitísimo con respecto á tempada pasada.
Liga Sub 16
Por fin se lle acabou o pesadelo a Daniel Alonso, que vía como semana a semana Miguel López lle ía recortando a gran renda obtida na primeira parte do campionato. Polo tanto, Daniel acada o seu segundo entorchado nesta categoría nesta súa última tempada, xa que pasará á Liga Senior na seguinte.
Miguel, que comezou moi frouxo, sempre por debaixo de Daniel, collía confianza na segunda metade e a piques estivo de darlle un bo disgusto ao campión.
Nesta categoría queda aínda por dilucidar o terceiro posto final entre Julia López e Juan Manuel Ferro con 34 puntos e Javier Alonso con 29.
A vindeira tirada, TIRADA FINAL DE REMATE DA XXVII EDICIÓN vai ter lugar no CENTRO SOCIAL DE SUMOAS, O SÁBADO 5 DE MARZO DE 2016. Ao final desta tirada teremos a entrega de premios e trofeos a cargo do alcalde Demetrio Salgueiro, acompañado da concelleira de deportes Cristina Iglesias.
| CAMPIONATO DE BOLOS DE CENTRO SOCIAL DE MORÁS (27 FEBREIRO 2016) 35 INSCRITOS: 19 NA LIGA SENIOR, 6 NA LIGA SUB 16 E 10 NA LIGA FEMININA | |||
| CLASIFICACIÓN | NOME | TANTOS | PUNTOS |
| LIGA SENIOR | |||
| PRIMEIRO | JOSÉ MANUEL COCIÑA RIVERA | 306 | 12 |
| SEGUNDO | ARTURO VIGO CASABELLA | 299 | 10 |
| TERCEIRO | FRANCISCO PÉREZ GONZÁLEZ | 288 | 8 |
| CUARTO | ANDRÉS RODRÍGUEZ RAMOS | 286 | 7 |
| QUINTO | JOSÉ RAFAEL GONZÁLEZ BERMÚDEZ | 283 | 6 |
| SEXTO | JORDI MEITÍN SERANTES | 272 | 5 |
| SÉTIMO | GINÉS RODRÍGUEZ FERNÁNDEZ | 260 | 4 |
| OITAVO | JOSÉ ANTONIO RODRÍGUEZ GALDO | 256 | 3 |
| NOVENO | LUIS RANCAÑO BOUSO | 253 | 2 |
| DÉCIMO | ALEX MEITÍN SERANTES | 252 | 1 |
| MELLOR BOLADA | ARTURO VIGO CASABELLA | 94 | 1 |
| LIGA SUB 16 | |||
| PRIMEIRO | JUAN MANUEL FERRO SANTOS | 228 | 6 |
| SEGUNDO | DANIEL ALONSO LÓPEZ | 212 | 4 |
| TERCEIRO | MIGUEL LÓPEZ FORMOSO | 181 | 3 |
| CUARTO | JAVIER ALONSO LÓPEZ | 179 | 2 |
| QUINTO | JULIA LÓPEZ FORMOSO | 171 | 1 |
| MELLOR BOLADA | JUAN MANUEL FERRO SANTOS | 74 | 1 |
| LIGA FEMININA | |||
| PRIMEIRO | SALOMÉ BERMÚDEZ BEN | 185 | 6 |
| SEGUNDO | BELÉN MEITÍN ROUCO | 166 | 4 |
| TERCEIRO | DOLORES BAÑO FRAGA | 155 | 3 |
| CUARTO | CONCEPCIÓN PIÑEIRO LÓPEZ | 149 | 2 |
| QUINTO | SALOMÉ CARDOSO RODRÍGUEZ | 145 | 1 |
| MELLOR BOLADA | SALOMÉ CARDOSO RODRÍGUEZ | 61 | 1 |