Todo a punto para o III Triangular de Semana Santa IMDECUM

A Fundación Impulso ao Deporte, Cultura e Turismo na Mariña continúa na súa aposta polo futuro do fútbol sala. A terceira edición do Torneo Triangular de Semana Santa de Fútbol Sala Base reunirá o Xoves Santo, en Vista Alegre (Burela), as categorías prebenxamín, benxamín e alevín da ED Burela FS, ACD Xove, ED Alfoz e Castrelo FS.

O torneo arrancará ás 10.00 horas cun enfrontamento prebenxamín cento por cento laranxa e porá fin ás 20.00 horas co compromiso benxamín entre ACD Xove e ED Burela FS. A entrega de trofeos clausurará a xornada ás 20.45 horas.