O 9 de febreiro deste ano, xa fai máis de dous meses, o alcalde comprometía unha actuación nesta zona, “despois de percorrer con membros do goberno o noso litoral” pero a realidade é que a situación 71 días despos é a mesma: os cascotes e restos seguen tirados, a zona esta sen acordoar e non se fixo ningunha actuación.
CxG pide a actuación inmediata porque consideramos que na localización dos estragos existe unha situación real de risco. Ademais de que a situación dana sensiblemente a imaxe da vila, dando sensación de abandono. “De nada vale un lema rimbombante e moito roll up, se quen nos visita atopa esta imaxe”.
Juan Carlos Piñeiro Docampo considera que se trata “dunha clara deixadez de funcións do equipo de goberno que non é capaz de xestionar actuacións que requiren un execución inmediata. Porque aínda que seña competencia de outra administración o Concello sempre debe actuar para evitar riscos. Para iso si que o ampara a lei”.