Burela, 5 de abril de 2016.- O Burela FS Pescados Rubén comezou a semana facendo a parada de ‘Descubre o Fútbol Sala’ no CEIP de Xove. Bea Mateos e Álex Pérez, xunto ao monitor da base Mario Pillado, visitaron o alumnado de 5º de Primaria do centro, confesándolles algunhas das súas experiencias e ilusións no fútbol sala, ademais de convidalos ao partido que este sábado enfrontará o equipo feminino co UA Alicante en Primeira RFEF.
No que vai de curso, a filosofía laranxa xa compartiu pista e balón nos colexios de Muras, Covas e Foz.
