Éxitos para Egovarros Viveiro no Campionato Galego de Trail, e galardóns na Gala Anual do Atletismo Galego

Viveiro, 4 de marzo de 2016.- O pasado domingo celebrouse na localidade de A Veiga (Ourense), o Campionato Galego de Trail sobre unha distancia de 21´3 km, na que participaron atletas de distintos clubes galegos donde os atletas do C.D. Egovarros-Viveiro acadaron duas medallas de ouro. Na categoría de M75 o gañador foi Antonio Cabana e na categoría de M55 proclamouse campión galego Jose Luís Meizoso.

A próxima proba na que participarán os atletas do equipo viveirense será o Campionato Galego de Milla en Ruta, a celebrar o vindeiro 10 de Abril na localidade coruñesa de Sada.

Gala do Atletismo Galego
Por outra banda, a gala anual do atletismo galego celebrouse o pasado venres no edificio da cidade da cultura en Santiago, donde resultaron galardoados 6 atletas do clube viveirense.

No apartado femenino resultou galardoada: María Luísa López e no apartado masculino resultaron galardoados: Antonio Cabana, José Rioseco, Fernando Ramos, Eliseo López e Emilio Martínez.