A rexedora, a popular Elena Candia, agradeceu a oportunidade que a organización lle concedeu ao Goberno local para colaborar coas xornadas. Destacou ademais a súa pretensión de que Mondoñedo “sexa un referente en rehabilitación”.
As xornadas
As xornadas abordarán o problema das humidades nos muros de fábrica tradicionais propoñendo diferentes solucións. Durante a celebración das xornadas de arquitectura realizaranse diferentes actividades, entre elas relatorios, visitas técnicas e un obradoiro. As prazas para o obradoiro son limitadas e a inscrición para todas as actividades é de balde.
As inscricións poderán realizarse no seguinte enlace: https://docs.google.com/forms/d/1shk3TrDU0TCW6ihxcJjmSvm2kjaKmxG_r2DW0S0Hz_M/viewform ou ben enviando un correo electrónico a arquitecturamondonedo@gmail.com.
É preciso indicar se a asistencia é para os dous días ou un solo e facilitar o nome, apelidos, teléfono e correo electrónico.
O sábado desde as 09:45 horas falarase sobre os procesos patolóxicos nos muros de fábrica debidos á auga, así como das solucións técnicas na rehabilitación e impermebealización dos edificios. Pola tarde faranse visitas técnicas. O domingo haberá un obradoiro que versará sobre os revocos tradicionais de cal.