“O que queremos é ter un detalle, un pequeno obsequio, para aquelas persoas que nesta data, no día da nai, elixan o comercio tradicional e próximo de Foz para facer as súas compras”, sinalan desde a directiva do Centro Comercial Aberto de Foz. “E animámoslles a que sigan utilizando o cartón do comercio de Foz e así acumulen máis descontos para as súas próximas compras”, engaden.
Desde o Centro Comercial Aberto lembran que “en Foz poden atopar todo o que precisen para obsequiar ás nais o próximo 1 de maio”.