O Conservatorio Profesional de Música de Viveiro acollerá tres cursos gratuítos durante o mes de maio cos que se pretende amosar á cidadanía as distintas actividades formativas que ofrece o centro.
A Alcaldesa, o Concelleiro de Educación e o parte do equipo directivo do Conservatorio Profesional de Música de Viveiro presentaron este martes os cursos gratuítos que, ao longo do mes de maio, se impartirán no centro. Estes cursos están destinados a persoas sen coñecementos musicais e o seu obxectivo é achegar o conservatorio á cidadanía de Viveiro, mostrando as diferentes actividades formativas que se ofertan.
As persoas interesadas en participar nestes cursos, que organiza a Concellaría de Educación en colaboración co Conservatorio, poden obter máis información na secretaría do centro ou chamando ao teléfono 982560486.
Os cursos que se impartirán son os seguintes:
– ADULTOS: destinado a persoas adultas de calquera idade que non teñan coñecementos musicais.
– AULA INFANTIL: dirixido a nenos nacidos no ano 2009.
– INSTRUMENTAIS: destinados a nenos de 8 a 14 anos. –Clarinete, bombardino, frauta, gaita, piano, trompa, trompeta, trombón, tuba, viola e violín-.