Preto de 600 votos conseguía a foto gañadora da campaña do Día da Nai de ACISA en Ribadeo

Ribadeo, 29 de abril de 2016. Cristina Laxas é a gañadora da campaña do día da nai, organizada por Acisa e realizada a través das redes sociais nas últimas semanas. A afortunada compartiu a foto que se fixo en Sete Pecados e a súa imaxe foi a que reuniu máis me gusta na app Fashion Nai, a través do facebook de Acisa.

A próxima semana Cristina Laxas recibirá o seu premio nas instalacións de Acisa. Trátase do importe do look que loce na foto, e que “como máximo ascenderá a 300 euros”, sinalan desde a Asociación de Comerciantes, Industriais, Servizos e Autónomos de Ribadeo.

A campaña do día da nai de Acisa concluirá o vindeiro domingo, 1 de maio, coa repartición de máis de 500 flores polas rúas de Ribadeo “a todas as mamás que nos atopemos ao noso paso”.