A GALA LARETAS DE IGUALDADE desenvolverase o xoves 14 de abril a partir das 20.00 horas no Teatro de Ribadeo. Este acto supón a continuación e a presentación do proxecto de igualdade levado a cabo nos centros de educación secundaria de Ribadeo a través da posta en valor da aprendizaxe, da creatividade individual e grupal e da comunicación social. O inxente e valiosísimo labor derivado deste proxecto será visibilizado na procura e defensa da igualdade e da non violencia contra as mulleres.