Silvia, Adrián e Rubén realizarán labores de xestión, coa organización de torneos de base, e participarán na actualidade dos adestramentos da escola nas diferentes categorías, así como cos equipos sénior masculino e feminino, completando un total de 380 horas de prácticas ata mediados de xuño.
Nas última tempadas xa é toda unha tradición a aposta conxunta, de valoración e difusión da práctica deportiva, entre o IES Monte Castelo e o CD Burela FS Pescados Rubén. Ademais de figurar como centro de traballo para o desenvolvemento formativo do ciclo superior de Actividades Físicas e Deportivas, o club tamén organiza charlas educativas e conferencias relacionadas coa saúde e a práctica deportiva, como axuda prestada ao centro de ensino. Pola súa banda, o instituto burelao apoia a entidade laranxa a través de recursos humanos e materiais, cedendo as súas instalacións para diferentes proxectos e iniciativas.