Burela, 28 de abril de 2016.- Na mañá deste xoves os alumnos de 2º de Primaria do CEIP Virxe do Carme de Burela participaron nunha actividade organizada por Gaia. As monitoras explican que “Un, dous, tres… responda vostede é unha proposta dinámica, na que os rapaces teñen que responder a unhas preguntas relacionadas co medio ambiente e a súa conservación para poder chegar á meta. Trátase dun xeito moi divertido de aprender a ter unha actitude respectuosa co noso entorno”.
