Imdecum bota a rodar o esférico para festexar as patronais burelás

Burela, 25 de maio de 2016.- A Fundación Impulso ao Deporte, Cultura e Turismo na Mariña volverá reunir o futuro futbolístico máis novo entorno a un triangular, como xa vén facendo nos últimos anos durante a Semana Santa. A estrea do Torneo Festas Patronais de Burela de Fútbol Sala Base acollerá o domingo 29 de maio, en Vista Alegre (Burela), as categorías miniprebenxamín e prebenxamín.

O torneo arrancará ás 10.00 horas cun enfrontamento de miniprebenxamín entre o AD Santiago de Foz e a ED Burela FS e porá fin ás 19.00 horas cos mesmos protagonistas en prebenxamín 1. A entrega de trofeos clausurará a xornada ás 19.45 horas.