A Deputación Provincial de Lugo aprobaba no pleno deste martes co voto faborable dos deputados do PP e do deputado do grupo non adscrito a moción pola que se demandaba o aglomerado en quente da vía provincial LU-P-2801 no treito Rodrigas-Augaxosa (no límite con Lourenzá). “O Grupo Provincial do PSOE abstívose”, segundo indica o rexedor riotortense, Clemente Iglesias.
Esta demanda xa realizada e aprobada por unanimidade no goberno municipal de Riotorto no pleno de abril, recibe agora o apoio da Deputacion Provincial de Lugo. “É unha boa noticia para os veciños/as de RIOTORTO xa que é unha das vías provinciais en peor estado dentro do municipio e unha das máis transitadas”.
O alcalde agradecer aos deputados que apoiaron esta moción e pide ao equipo de goberno que cumpra este acordo adoptado polo Pleno e que proceda a maior brevidade ao aglomerado desta estrada.