Para estas dúas competicións, o Club Kayak de Foz despraza a tres padeeiros: o infantil B Sergio Rubio Pacios, o infantil A Francisco Rubio Pacios e o cadete B Xoel García Neira, sendo estes dous últimos os padeeiros de maior proxección a nivel estatal do club.
O sábado pola mañá dispútase a Copa de España de Cadetes. Xoel García Neira, grazas aos seus bos resultados nesta Liga Nacional sáltase as contrarreloxo de primeira hora da mañá, pasando directamente ás semifinais a partir das 10:40 horas. Unha vez pasadas as semis, a partir das 11:50, darase a saída ás finais para home K1 cadete. Esperemos que Xoel poida estar na pelexa polas medallas. Desde aquí desexámoslle toda a sorte do mundo.
O domingo é a quenda para os infantís coa disputa do III Campionato de España Infantil sobre a distancia de 3000 metros. Neste campionato, o club focense ten inscritos a dous deportistas: Sergio Rubio Pacios na categoría infantil B e a Francisco Rubio Pacios na categoría infantil A. Ás 10:30 horas disputarase a final da categoría Home Infantil B K-1 e ás 12:00 será a quenda do final Home Infantil A K-1. Do mesmo xeito que o seu compañeiro Xoel, Fran ten moitas opcións de quedar entre os 10 primeiros e quizais, pelexar por unha das medallas en xogo. Moita sorte a ambos.