O Football Kids Forum terá lugar o vindeiro sábado 4 de xuño e celebrarase no Salón e Actos da Deputación Provincial de Lugo, este evento está dirixido aos adestradores de fútbol base de toda Galicia. As temáticas a tratar son dúas: A primeira é a relación entre a cultura do esforzo e o modelo de rendemento, na que se valorará a dificultade de pasar de equipas de formación a equipas de competición, e o segundo bloque que se centrará nos aspectos metodolóxicos das mellores canteiras do Estado, durante a cal non só se levarán a cabo cuestións de índole técnico- tácticas senón tamén de carácter sicolóxico e motivacional.
O evento conta con xornada de mañá e tarde, comenza as 9:00 coas pertinentes acreditacións e presentación oficial, as 10:00 terá lugar o primeiro relatorio, a cargo do Director Técnico do C.D. Lugo, Toni Otero, o tema da charla será o retorno da inversión no fútbol base, posteriormente as 10:50 o Director de Fútbol base da Real Sociedad, Luki Iriarte expón cal é o itinerario formativo en Zubieta, para rematar a mañá terá lugar as 13:00 unha mesa redonda. En xornada de serán, abrirá os relatorios as 16:00 o director de metodoloxía do Vilareal CF, Sergio Navarro, que explicará en qué consiste a metodoloxía de formación do Vilareal, posteriormente, as 16:50 o director de metodoloxía do Sevilla FC trasladará aos asistentes a forma de traballo do fútbol base da equipa andaluza., a última intervención protagoniza o Director de Metodoloxía do FC Barcelona, celebrarase as 18:10 e falará do método da Masía, o encontro remata cunha mesa redonda que se realizará as 19:00.
O Deputado- Delegado da Área de Cooperación e Asistencia aos Concellos e Deporte da Deputación de Lugo, Antonio Veiga explicou que “ con este evento formativo abarcamos unha gran problemática que se dá na meirande parte dos clubs deportivos, a relación entre formación e rendemento/ competición nas equipas de base, neste caso concreto, nas equipas dun deporte tan mediático coma é o fútbol, a Deputación impulsa desde a súa Área de Deporte aquelas iniciativas que conducen a unha mellor posta en escena de metodoloxías de adestramentos, o cal, sen lugar a dúbidas terá un factor beneficioso nos mozos e mozas deportistas, xá que canto mellor sexa a formación dos adestradores, mellor será a formación dos deportistas, e non só desde o punto de vista técnico senón tamén desde o puntode vista da saúde do xogador, tanto física coma emocional”. Remarcou que” no primeiro Football Kids Forum contaremos coa experiencia dos dirixentes dalgunhas das máis prestixiosas canteiras do fútbol estatal coma pode ser a Masia do FC Barcelona ou a do Vilareal, así mesmo, teremos tamén ao director deportivo do CD Lugo que tan boa campaña está a levar a cabo na Segunda División”.