Tarta de Mondoñedo da Confitería La Alianza, na sobremesa da comida de ordenación do novo bispo

Mondoñedo, 6 de maio de 2016. A sobremesa que degustaron os participantes na comida da xornada de ordenación do novo bispo da Diócese de Mondoñedo-Ferrol, Luis Ángel de las Heras, que se celebraba este sábado na cidade de Mondoñedo será tarta de Mondoñedo elaborada pola Confitería La Alianza.

O propietario de La Alianza, o mindoniense Guillermo Redondas, está “moi orgulloso de participar desta maneira neste evento co que se lle dá a benvida ao novo bispo na miña cidade natal”. Son medio centenar as tartas elaboradas para a ocasión.

Ademais, Confitería La Alianza, que conta con establecementos en Mondoñedo e Ribadeo, participará esta fin de semana, sábado e domingo, na Festa do Melindre de Melide, evento gastronómico que celebra o seu 25 aniversario. La Alianza terá un stand no que se porá á venda a súa tarta de Mondoñedo e a súa rosca de Ribadeo, recentemente creada.